verwelkom u

: Kliek bo vir "Die Afrikaner" se werf

Die HNP is 'n politieke party wat hom beywer vir die herstel van die Afrikanervolk se vryheid in sy vaderland Suid-Afrika, vir die uitbouing van Afrikaner-nasionalisme en vir die belange van die Blankes in Suid-Afrika in die algemeen. Die HNP glo dat die Afrikanervolk as blanke volk deur die loop van die geskiedenis 'n besondere posisie verwerf het in ons land. Die lede van die HNP word landwyd in strydrade (takke) georganiseer. Daar is ook lede in die buiteland. Die HNP se beginselbasis is Afrikanernasionalisme, naamlik Christenskap, Blankeskap, en Afrikanerskap. Nasionalisme, oftewel selfbeskikking van volkere, hou in dat daar skeiding tussen rasse en volke sal wees. Die beleid van afsonderlike ontwikkeling, gee praktiese uiting hieraan. As politieke party is die HNP se doelwit om die politieke mag in Suid-Afrika te herower. Daarvoor word politieke aksies van dag tot dag gevoer. Die Afrikanervolk word opgeroep tot eendragtige verset teen die onwettige ANC-regime binne 'n Afrikanerfront.

Nie almal steun ANC se gesprek met Afrikaanses nie

Verskillende kommentare is gegee na die gesprek tussen die ANC en verteenwoordigers van Afrikaanse organisasies op 8 Mei in Sandton. Die vergadering het agter geslote deure plaasgevind. Die ANC se tesourie-generaal, Mathews Phosa, het gesê die ANC wil hoor wat die Afrikaanssprekendes se probleme is met die ANC se landsbestuur. Daarom is sake soos dienslewering veral op regeringsvlak, veiligheid en die posisie van die Afrikaanse taal en kultuur bespreek.
Lees meer in Die Afrikaner koerant

HNP Protes-aksie wêreldwyd

Protesaksies teen die volksmoord op die Afrikanervolk gaan wêreldwyd gereël word. Die protes-aksies sal op 31 Mei plaasvind. Dit is een van die belangrike besluite wat tydens die HNP se jaarkongres op 31 Maart in Pretoria geneem is, op voorstel van mnr. Hannes Scholtz. Die kongres het ’n voorstel dat so ’n aksie moet plaasvind, eenparig ondersteun. Dit sal die internasionale wêreld en veral nasionalistiese bewegings opnuut bewus maak van wat werklik besig is om in Suid-Afrika te gebeur.

Wees deel van die oplossing en lees meer hieroor by http://worldwideprotest.co.za/

Sal ons hulle nooit afskud nie?

Kykers op die staatsuitsaaier se nuus kon die week sien hoedat plaasbesetters ’n plaas by Komatipoort gaan beset het, en hoe arrogant en aggressief hulle was. In dieselfde week het ’n klomp Afrikaanses agter geslote deure met die ANC gaan gesels, omdat die ANC wil weet waarom Afrikaners nie vir hulle wil stem in verkiesings nie. Laat ons net begin deur die onderskeid baie duidelik te maak: die klomp wat hulle laat vang het om agter geslote deure te gaan konkel met die ANC om dié klomp voormalige terroriste aanvaarbaar vir die Afrikaner te maak, verteenwoordig nie die Afrikaner- of Boerevolk nie. Hulle verwys baie graag na hulleself as AfrikaanSES, en dis ’n baie sinvolle en duidelike onderskeid tussen ons. Waarom wil die Afrikaners niks met die ANC te doen hê nie? Dis tog eenvoudig. Die ANC neem die Afrikaanse krummels in sy geledere, soos die Carl Niehause, Derek Hanekoms en in lewe die Beyers Naudé’s. Dit is die soort mense wat hulle lewe lank hulle bes gedoen het om die ANC te bevoordeel, ten koste van hulle eie mense. Dit was in ’n tyd dat die ANC Kerkstraatbomme en landmyne op plaaspaaie geplant het sodat vroue en kinders daardeur vermoor is. Daardie Afrikaanses het dus gewoon verraad gepleeg teen hulle eie mense wat deur die toenmalige terroriste vermoor is

Lees hierdie interessante storie in Die Afrikaner koerant

HNP Media Verklarings, kliek hier vir meer...

Pot kook oor: ANC-bande met e-tol winste

Die publiek, sakewêreld en organisasies dring daarop aan dat ondersoek ingestel word na wie almal deur die e-tolstelsel, wat vir eers op die lange baan geplaas is, bevoordeel word. Dit volg nadat ‘n hele katnes van ANC-betrokkenheid, hetsy direk of indirek, by die projek besig is om aan die lig te kom. Die hoofbevoordeelde is die Kapsch, wat altesaam 65% van die hoofkontrakteur, Elektroniese Tol Konsortium (ETC) besit. Kapsch TrafficCom het ook 57% in TMT ‘belê’, wat blykbaar ook deel gevorm het van die konsortium wat die oorspronklike kontrak gesluit het.

Lees meer oor die gebeure in Die Afrikaner koerant

Vir die HNP se Elektroniese Biblioteek, kliek hier

Woord en Wêreld

: Ds. LH Stavast

Tydens my gedwonge omswerwinge van die afgelope paar maande van Noord na Suid en Oos na Wes deur ons vaderland was daar baie geleenthede tot gesprek met talle mede-Afrikaners. Ons het gepraat en mekaar uitgevra oor allerlei onderwerpe wat ons hier besig hou. Of dit nou gegaan het oor die kerk, die politiek, die ekonomie, die onderwys, of watter saak ookal, die uiteinde van ons gesprekke was nogal skokkend. Ek het my by amper almal vasgeloop in ‘n muur van vrees vir die toekoms! Die meeste van my vreesagtige gespreksgenote was goeie, ordentlike Christen-Afrikaners. Gelowige mense, soos hulle self getuig het. Maar, bang! Bang vir die kommuniste, die liberaliste, die Weste, die Ooste, die moderne vervlakkingskultuur en natuurlik vir die Afrikabarbaredom in al sy fasette. En as mens hulle vra, soos Jesus Self gedoen het by die storm op die see van Galilea: “Waar is julle geloof dan?” (vgl. Luk. 8: 25; Matt. 8: 26; Mark 4: 40), kry jy geen antwoord nie. Die positiefste reaksie was so-iets soos: “Ons glo wel, maar...”. Dit is ongeveer dieselfde reaksie as van die dissipels van die Here: “Hulle was bang en ver is Hy tog, dat Hy selfs die winde en die water gebied en hulle Hom gehoorsaam is!” (Luk. 8: 25). Dis mos on-gelooflik!

Lees meer in Die Afrikaner

Nuus vanuit Die Volksraad

Die Volksverteenwoordigende Raad wat op 24 September vir die Afrikanervolk verkies is, is op 10 Oktober in die Gereformeerde Kerk in Kerkstraat, Pretoria (wyle pres. Paul Kruger se kerk) ingehuldig.

Volksraad se oproep aan Afrikaners
“Plaas druk op ANC-regering”
Die Voorsitter van die Afrikanervolksraad, mnr. Andries Breytenbach, roep in ‘n omsendbrief aan Afrikaners die volk op tot optrede om by die president van die ANC-regime aan te dring dat die afspraak wat die Volksraad met die president aangevra het, nagekom word. Mnr. Breytenbach wys in die brief daarop dat reeds op 8 Februarie vanjaar 'n skriftelike versoek vir die afspraak aan die president se kantoor oorhandig is. Dié afspraak moes voor einde Maart plaasgevind het. Die brief van die Volksraad is op die Volksraad se webblad, www.volksraad.co.za te lees. Dit is ook aan Die Afrikaner gestuur vir publikasie en ‘n onderhoud is reeds oor Radio Pretoria met mnr. Breytenbach gevoer. Die Volksraad gaan dié brief aan al die kiesers wat op 24 September in die volksverkiesing gestem het en ‘n e-posadres het, stuur.

Lees meer in Die Afrikaner koerant

Jaap Marais

Tydens mnr. Jaap Marais se begrafnis het wyle mnr. Willie Marais hom beskryf as “die grootste Eerste Minister wat Suid-Afrika nie gehad het nie”. ....Kliek hier om verder te lees....