verwelkom u
Die HNP is 'n politieke party wat hom beywer vir die herstel van die Afrikanervolk se vryheid in sy vaderland Suid-Afrika, vir die uitbouing van Afrikaner-nasionalisme en vir die belange van die Blankes in Suid-Afrika in die algemeen. Die HNP glo dat die Afrikanervolk as blanke volk deur die loop van die geskiedenis 'n besondere posisie verwerf het in ons land. Die lede van die HNP word landwyd in strydrade (takke) georganiseer. Daar is ook lede in die buiteland. Die HNP se beginselbasis is Afrikanernasionalisme, naamlik Christenskap, Blankeskap, en Afrikanerskap. Nasionalisme, oftewel selfbeskikking van volkere, hou in dat daar skeiding tussen rasse en volke sal wees. Die beleid van afsonderlike ontwikkeling, gee praktiese uiting hieraan. As politieke party is die HNP se doelwit om die politieke mag in Suid-Afrika te herower. Daarvoor word politieke aksies van dag tot dag gevoer. Die Afrikanervolk word opgeroep tot eendragtige verset teen die onwettige ANC-regime binne 'n Afrikanerfront.
Skande SABC
Skande SABC
Die uitsending van Special Assignment op SABC 3 op 25 Mei was weer eens ‘n duidelike bewys dat die SABC niks anders is as ‘n propaganda-instrument van die kommunistiese ANC nie.
In wat ’n program moes wees oor die eis om selfbeskikking vir die Afrikanervolk, het niks gekom nie.
Die SABC se opname by die HNP-Hoofkantoor op 23 April het meer as drie ure in beslag geneem. Die onderhoud met mnr Andries Breytenbach, Leier van die HNP, was deel daarvan. Dié onderhoud het langer as ’n uur geduur. En slegs enkele sekondes word gebeeldsaai. Wat meer is, dit wat gekies was, was totaal buite verband aangebied.
Die onderhoud met mnr Breytenbach het gegaan oor die eis om die herstel van die Afrikanervolk se vryheid in sy vaderland. So ook die gesprek met mnr Paul Kruger van die VVK. Die hou van ’n volkseie verkiesing gaan oor selfbeskikking van die Afrikanervolk. Die kern van die onderhoude was vryheid. Die woord vryheid is nooit uitgesaai nie. Dié kykers wat nie die agtergrond oor die VVK het nie, sou nie kop of stert kon uitmaak waaroor die gesprekke gegaan het nie.
In sy onderhoud het mnr Breytenbach onder andere gesê die stryd van die volk is ’n geloofstryd. Die Afrikaner wil nie deel wees van die ANC-bestel nie. Ons staan buite daardie bestel. Ons wil nie deel wees van die reënboognasie nie. Daarom gaan ons alles doen volgens die Volkereg om selfbeskikking te eis. Toe sê hy dat as alles moontlik uitgeput is en ons kry nog nie ons vryheid nie, sal ons ons kleim afsteek. As die owerheid dan met geweld teen die Afrikaner optree, is hy die aggressor en sal ons geen ander keuse hê as om onsself te laat geld nie. Hierdie laaste opmerking word toe gebeeldsaai in die konteks dat die Afrikaners wil oorlog maak.
Met mnr Bennie van Zyl, hoofbestuurder van TLU SA, het ook ’n onderhoud gevoer. Dié opname was 45 minute lank. Daarvan is absoluut niks uitgesaai nie.
Wat verstommend was, is die feit dat die oorgrote deel van die uitsending aan die Suidlanders afgestaan was. En dié boodskap was duidelik dat die Blankes die Swartes vrees en daarom gaan vlug. 800 000 Blankes gaan vlug na die platteland.
Waar tydens die opnames die indruk geskep is dat die program saamgestel word oor die politieke oplewing by die Afrikaner en veral die eis om selfbeskikking, word ’n program uitgesaai waarin aan die wêreld wysgemaak word dat die Witman in Suid-Afrika hom voorberei om te vlug.
Die boodskap van die HNP-leier dat dié land die land van die Afrikanervolk is, dat ons hier ’n Godgegewe taak het en in geloof sal voortveg om ons vryheid te herstel, is in die argiewe van die SABC weggebêre. Die kykers mag dié boodskap van vryheid nie hoor nie.
Stop Moorde, Eis Vryheid !
Deel 1
|
Om die HNP se videoversameling te sien, kliek by www.youtube.com/diehnp
HNP Kongres 2010
- Hans Koekemoer (Onderleier), Andries Breytenbach (Leier) en Wouter Rust (Onderleier)
HNP-kongres fokus op herstel van Afrikanervolk se vryheid
Die jaarkongres van die HNP het die afgelope naweek in Pretoria plaasgevind. Mnr Andries Breytenbach, ’n afgetrede senior amptenaar van Krygkor in Pretoria is as die nuwe leier gekies in die plek van mnr Japie Theart wat uitgetree het. Die twee onderleiers is mnre Wouter Rust, ’n boer van Blinkpan in die Oos-Transvaal, en mnr Hans Koekemoer, ‘n boer van Wolmaransstad in die Wes-Transvaal.
Mnr Breytenbach het in sy leierstoespraak die parallel getrek tussen die eendragtige optrede vir die herstel van vryheid van die Afrikaners vandag met die toestand 50 jaar gelede in 1960 toe ’n volkstelling gehou is oor Republiekwording. Hy het gesê alle eendersdenkende volksgenote moet die geleentheid gegun word om deel te neem aan die vryheidstryd. Die stryd sal buite die grondwetlike strukture van die ANC gevoer word. Die Afrikanervolk sal nie die aanspraak op blank Suid-Afrika prysgee nie.
Mnr Theart het in sy aftrede-toespraak gesê die Afrikanervolk sal graad vir graad nader skuif na vryheid. As ons voor God op ons knieë staan, sal God ons as volk weer laat opstaan.
Die kongres het verskeie skerp bewoorde beskrywingspunte aanvaar. Julius Malema het baie skerp onder die tong van verskeie sprekers en afgevaardigdes deurgeloop. Dit is duidelik dat baie Boere kwaad is, baie word nog kwaad en talle is dié naweek kwaad gemaak.
Mnr Henk van de Graaf, adjunk-voorsitter, het ’n beroep op alle Blankes gedoen om nie hulle vuurwapens in te handig nie. Die eerste stap na vryheid is om lewend te bly, het mnr Van de Graaf gesê.
Behalwe die beskrywingspunte wat aanvaar is, is twee baie belangrike besluite geneem:
1. Afrikaners word opgeroep om hulleself te beveilig deur volksvreemde arbeid met volkeie arbeid te vervang. Solank Malema arbeiders in huise en tuine opsweep om Blankes te vermoor, het die Blanke geen verantwoordelikheid om hulle in diens te hou nie. Malema kan vir hulle sorg.
2. Alle Afrikaners word opgeroep om ’n klagte van strafregtelike laster, crimen injuria, by die naaste polisiestasie teen Malema te gaan lê wat met sy uitsprake elke Blanke belaster het. ’n Ontwerp beëdigde verklaring is by die HNP-hoofkantoor beskikbaar om dit vir mense moontlik en maklik te maak om so ’n klagte te kan lê.
Soos die gebruik is, word daar elke jaar by die Kongres fondse ingesamel. Die afgevaardigdes het Saterdag R289 000 tot die Party se fondse bygedra.
LOUIS VAN DER SCHYFF
HOOFSERETARIS 29 Maart 2010
Jaap Marais
Tydens mnr. Jaap Marais se begrafnis het wyle mnr. Willie Marais hom beskryf as “die grootste Eerste Minister wat Suid-Afrika nie gehad het nie”. ....Kliek hier om verder te lees....
- Kliek bo vir ons Mandela blad
Die Willie Marais Afrikanersentrum
- Ingang
Dié sentrum in Pretoria is in 2005 deur die HNP gekoop en ingerig as 'n
kultuurtuiste vir Afrikaners. Die sentrum huisves die kantore van die HNP en die
koerant Die Afrikaner. Die sentrum beskik ook oor ideale fasiliteite vir
vergaderings, funksies, dinees, feeste, konserte, opvoerings en vele meer.
- Formele Funksie
tafels en lugverkoeling. Dit beskik oor 'n baie groot kombuis, netjiese toilette, 'n
reuse lapa vir buitelug byeenkomste, baie parkeerruimte en 'n enorme groot
swembad.
- Braaigeriewe
'n Biblioteek, leeskamer en argief wat veral politieke, geskiedenis- en
godsdiensboeke en dokumente huisves, word tans ingerig.
Die sentrum het in 'n kort tyd bekend geword as dié bymekaarkomplek van
Afrikaners.
Speel die Nasionale Volkslied
|